PATRIOTS NA BERCO STARS.

Patriots Basketball Club yegukanye igikombe cy’imikino mpuzamahanga yo kwibuka abakinnyi ba Basketball n’abakunzi b’uyu mukino bishwe muri Jenoside yakorewe Abatutsi mu mwaka wa 1994, itsinze Boundes yo muri Repubulika Iharanira Demokarasi ya Kongo amanota 66-64.

Muri uyu mukino Patriots yarangije uduce twose iri imbere ya Boundes, agace ka mbere karangiye Patriots ifite amanota 21-12, agace ka kabiri karangira ifite amanota 34-33, agace ka gatatu karangiye  ari ari 48-53 naho aka kane birangira ari amanota 66-64.

Umukinnyi mwiza w’iri rushanwa yabaye Kubwimana Kazingufu Ali ukinira Patriots Basketball Club.

Kazingufu yatangaje ko iri rushanwa ryari ku rwego rwo hejuru akurikije uko yabonye andi makipe.

Kazingufu yatangarije ikinyamakuru izubarirashe.rw ko iyo mikino ibahaye isomo ryo kwitegura imikino mpuzamahanga izaba mu minsi iri imbere.

Umutoza wa Patriots BBC, Muhenuka Henry, atangaza ko umukino wari ku rwego rwo hejuru, kuko umukino warangiye nta kinyuranyo cyinshi cy’amanota gihari.

Umutoza wa Boundes BBC, Louis Safari, atangaza ko irushanwa ryari riteguye neza ku buryo amakipe yari akomeye ariko imisifurire itagenze neza.

Safari avuga ko abasifuzi basifuye nabi, kuko ikipe bari bahanganye yo batayisifuriye amakosa yabaga yakoze.

Uwo mukino wa nyuma wakinirwaga kuri Sitade Amahoro (Petit Stade) i Remera kuri iki cyumweru tariki ya 19 Kamena 2016.

Uwo mukino wari witabiriwe n’abantu benshi batandukanye bari baje kureba uko ayo makipe ahangana, kuko Patriots BBC yatwaye shampiyona yo mu Rwanda mu gihe Boundes BBC yegukanye shampiyona y’i Bukavu.

Patriots BBC yegukanye icyo gikombe cyari gifitwe na Espoir BBC mu mwaka ushize yatsinze PJB-Goma.

Mu bagore ikipe yegukanye igikombe cyo kwibuka ni Berco Star yatsinze APR BBC ku mukino wa nyuma ku manota 58-55.

Umukinnyi mwiza w’irushanwa mu bagore yabaye Nezerwa Ines.

Nyuma y’umukino Mbanzumutima Charles, umutoza w’ikipe ya APR ya Basketball yatangaje ko abakinnyi be babuze ubunararibonye muri uwo mukino bigatuma bawutakaza.

Berco Star yegukanye iki gikombe cyiswe “Memorial Gisembe” wahoze ari umukinnyi wa Espoir icyisubiza kuko no mu mwaka ushize ariyo yari yaracyegukanye.

Abanyarwanda babiri bagiye kwiga basketball muri USA.

Abasore babiri b’Abanyarwanda, Furaha Cadeau De Dieu na Shema Osborn berekeje muri Leta Zunze Ubumwe za Amerika gukurikirana amasomo y’umukino wa basketball.

Nk’uko bigaragara ku rubuga rwa Facebook rw’Ishyirahamwe ry’umukino wa basketball mu Rwanda (FERWABA), Furaha na Shema buriye indege ku mugoroba wo kuwa Kane tariki 25 Kanama 2016.

Aba basore baherutse kugaragara mu ikipe y’igihugu y’abatarengeje imyaka 18 yari mu mikino nyafurika riherutse kubera i Kigali, bahawe buruse yo kwiga birushijeho umukino wa basketball n’umuryango uteza imbere uyu mukino wa Lute Olson Mo Tangara world Basketball aho baziga mu ishuri rya Quality Education Academy muri Leta ya Calorina y’Amajyaruguru.

Mbere y’uko burira indege, aba basore bagiranye ibiganiro n’umuyobozi wa FERWABA, Mugwiza Désiré ndetse n’umuyobozi ushinzwe tekiniki muri iri shyirahamwe Shema-Maboko Didier bombi babagiriye inama ku byerekeye uko bagomba kwitwara mu masomo bagiyemo n’akamaro bibafitiye hamwe n’igihugu cyabo muri rusange.

Furaha Cadeau De Dieu na Shema Osborn batoranyijwe n’uyu muryango uharinira iterambere ry’umukino wa basketball ubwo ikipe y’igihugu y’abatarengeje imyaka 18 yari mu mwiherero muri Leta Zunze Ubumwe za Amerika mbere gato y’uko irushanwa nyafurika ry’uyu mukino mu batarengeje imyaka 18 ritangira, aho bari mu mujyi wa Tuscon muri leta ya Arizona.

Basketball: Bamwe mu batoza bitabiriye amahugurwa ya Special Olympics

Kuri uyu wa Gatanu tariki 24 Gashyantare 2017 hasojwe amahugurwa y’abatoza mu mikino ngorora mubiri ikinwa n’abafite ubumuga bwo mu mutwe (Special Olympics), muri Special Olympics habamo imikino myinshi itandukanye harimo n’umukino wa Basketball.

Ishyirahamwe nyarwanda ry’umukino wa Basketball, FERWABA, ryahagarariwe na Nshimiyimana Nestor ari nawe wabaye uwa mbere muri aya mahugurwa akaba yagize amanota 85%, Uwase Denise yagize amanota 75%.

Charles Nyambe wahoze ari umutoza w’ikipe y’igihugu ya Basketball ya Malawi, akaba yarabaye n’umusifuzi mpuzamahanga w’umukino wa Basketball niwe watanze aya mahugurwa y’imikino y’abafite ubumuga bwo mu mutwe. Kuri ubu akaba ari umuyobozi mukuru wa Special Olympics muri Africa.

Imikino y’abafite ubumuga bwo mutwe yashinzwe mu mwaka w’1968 na Madamu Shrive Kennedy Eunice, muri Chicago Field, Illinois muri Leta zunze ubumwe z’Amerika akaba ari mushiki wa John Fitzgerald Kennedy Perezida wa 35 wa Leta zunze Ubumwe z’Amerika.

U18-national Team.

Basketball National team head coach moise Mutokambali.

Minisitiri wa Sport.

Minisitiri wa Siporo n’Umuco, Uwacu Julienne yakiriye abakinnyi bari bahagarariye igihugu mu mikino Nyafurika y’abatarengeje imyaka 18 yabereye i Kigali kuva tariki 22 kugeza 31 Nyakanga 2016 anabashimira uburyo bitwaye mu irushanwa. 

ALL STAR TEAM

Ikipe y’igihugu y’umukino w’intoki wa Basketball yatsinze abahanga kurusha abandi (All Stars) amanota 79-64 mu mukino wa gishuti wabaye ku mugoroba wo kuri uyu wa Kabiri.

Ikipe y’igihugu yatsinze abakinnyi b’abahanga muri Basketball

UBUMWE vs APR women basketball game.

rwanda women basketball is now on the high level of competition.

National selected team vs All star players

national basketball team preparing their load to egypt ,cairo for the whole week,the played a friendly game with other selected players in the country,.